 |
 |
 |
 |
 |
 |
 |
 |
 |
 |
 |
 |
Fólínsýra á meðgöngu
Rannsóknir hafa sýnt að ef móðir tekur nægjanlegt magn Fólínsýru í nokkrar vikur fyrir getnað og fyrstu vikurnar eða mánuðina á meðgöngunni þá dregur það verulega úr líkum á ákveðnum tegundum fósturskaða. Skaðarnir sem um ræðir eru gallar í myndun og þroska miðtaugakerfisins og geta valdið verulegri fötlun.
Fólínsýra (líka kölluð fólasín) er eitt af B-vítamínunum og er sérstaklega að finna í grænmeti og ávöxtum. Því eru konur (og reyndar karlar líka) hvattar til að borða mikið af þessum fæðutegundum. Til að tryggja að kona fái nægjanlega Fólínsýru er þó oft mælt með að hún taki Fólínsýru jafnframt á töfluformi.
Við hvetjum konur sem huga að barnseignum eða vita að þær eru nýlega þungaðar að hafa samband við lækni til að ræða þessi mál. Mikilvægt er að nægjanleg neysla vítamínsins hefjist snemma og helst nokkrum vikum fyrir getnað ef hægt er.
Fræðslubæklingur landlæknisembættisins um Fólasín er hér.
